Anthologie
Ou mon desir m'assouvira, Ou ma tristesse m'occira Pour vous, belle, prouchainement, Se mon cueur quiert l'alegement Du mal que pour vous servir a.
Ung de ces deux me suffira, N'espoir plus ne me mentira, Si j'ay de parler hardement, Ou mon desir m'assouvira.
Tout bien ou tout mal m'en ira, Car quant vostre bouche dira Oy ou nenny, tout seulement, Elle asserra le jugement Dont mon dueil o* moy finera Ou mon desir m'assouvira.
(*) avec
Alain CHARTIER
(1385-1433)
Rondeau de ceux qui se taisent
Ceulx qui deussent parler sont muts Les loyaulx sont pour sots tenus ; Je n'en vois nuls Qui de bonté tiennent plus compte ; Vertus vont jus, pechié haut monte, Ce vous est honte, Seigneurs grans, moyens et menus.
Flateurs sont grans gens devenus Et a hauts estats parvenus, Entretenus, Tant qu'il n'est rien qui les surmonte. Ceux qui deussent parler sont muts.
Nous naquismes povres et nuds. Les biens nous sont de Dieu venus, Nos cas congnus Luy sont pour vray, je vous le conte ; Pape, empereur, roy, duc ou comte, Tout se mescompte, Quant les bons ne sont soustenus. Ceulx qui deussent parler sont muts.
Jean MESCHINOT
(1420-1491)
Du Printemps
La froidure paresseuse De l'yver a fait son tems : Voici la saison joyeuse Du délicieux printems.
La terre est