Année 2014-2015– semestre 6
Les langages de l’amour

Chrétien de Troyes, Erec et Enide : l’accusation de recreantise

2536 - Sire, quant vos si m’angoissiez,
La verité vos en dirai,
Ja plus ne le vos celerai ;
Mais je criem mout ne vos annuit.
2540 Par ceste terre dïent tuit,
Li noir et li blonc et li ros,
Que granz damages est de vos
Que vos armes entrelessiez.
Vostre pris en est abaisiez :
2545 Tuit soloient dire l’autr’an
Qu’en tot le mont ne savoit l’an
Meillor chevalier ne plus preu ;
Vostre parauz n’estoit nul leu.
Or se vont tuit de vos gabant,
2550 Viel et jone, petit et grant ;
Recreant vos apelent tuit.
Cuidiez vos donc qu’il ne m’ennuit
Quant j’oi de vos dire despit ?
Mout me poise quant l’en le dit,
2555 Et por ce m’en poise encor plus
Qu’il m’en metent le blasme sus.
Blasmee en sui, ce poise moi,
Et dïent tuit raison por qoi,
Que si vos ai lacié et pris
2560 Que tot en perdez vostre pris,
Ne ne querez a el entendre.
Autre consoil vos convient prendre,
Que vos puissiez cest blasme esteindre
Et vostre premier los ateindre,
2565 Car tant vos ai oï blasmer,
Onques nou vos osai mostrer.
Soventes foiz, con moi sovient,
D’angoisse plorer m’en covient ;
Tel pesance orendroit [en] oi,
2570 Que garde prendre ne me soi,
Tant que je dis que mar i fustes.
- Dame, fait il, droit en eüstes,
Car cil qui me blasment ont droit.
Aparoilliez vos orendroit,
2575 Por chevaucher vos aprestez ;
Levez de ci, se vos vestez
De vostre robe la plus bele
Et faites metre vostre sele
En vostre meillor palefroi. »

- Seigneur, puisque vous me harcelez tant, je vous en dirai la vérité, sans la dissimuler plus longuement, mais je crains fort qu’elle ne vous afflige.
Dans ce pays tous affirment, les noirs, les blonds et les roux, que c’est un grand dommage de vous voir délaisser vos armes.
Votre renom en est diminué.
L’an dernier, tous avaient coutume de dire qu’on ne connaissait au monde de chevalier plus accompli ni plus vaillant et vous n’aviez nulle part votre égal.
Mais aujourd’hui,