Ballades 63 Charles d'Orléans
En la forest d’ennuyeuse tristesse
En la forest d’Ennuyeuse Tristesse,
Un jour m'avint qu’a par moy cheminoye,
Si rencontray l’Amoureuse Deesse
Qui m’appella, demandant ou j’aloye.
Je respondy que, par Fortune, estoye
Mis en exil en ce bois, long temps a,
Et qu’a bon droit appeller me povoye
L’omme esgaré qui ne scet ou il va.
En sousriant, par sa tresgrant humblesse,
Me respondy : « Amy, se je savoye
Pourquoy tu es mis en ceste destresse,
A mon povair voulentiers t’ayderoye ;
Car, ja pieça, je mis ton cueur en voye
De tout plaisir, ne sçay qui l’en osta ;
Or me desplaist qu’a present je te voye
L’omme esgaré qui ne scet ou il va. »
«Helas ! » dis je, «souverainne Princesse,
Mon fait savés, pourquoy le vous diroye ?
C’est par la Mort qui fait a tous rudesse,
Qui m’a tollu celle que tant amoye,
En qui estoit tout l’espoir que j’avoye,
Qui me guidoit, si bien m’acompaigna
En son vivant, que point ne me trouvoye
L’omme esgaré qui ne scet ou il va. »
l’envoy
Aveugle suy, ne sçay ou aler doye ;
De mon baston, affin que ne fervoye,
Je vois tastant mon chemin ça et la ;
C’est grant pitié qu’il couvient que je soye
L’omme esgaré qui ne scet ou il va
En la forêt d’ennuyeuse tristesse, extrait du recueil Ballade, Charles d’Orléans (1394-1465)
Charles d’Orléans, neveu du roi Charles VI, et duc d’Orléans, est surtout connu pour sa qualitéde poète. En effet, il est l'auteur d'œuvres considérables : 131 chansons, 102 ballades, sept complaintes et pas moins de 400 rondeaux ainsi que de pièces poétiques en langue anglaise. Alors qu’il estprisonnier en Angleterre, son épouse, Bonne d’Armagnac, meurt. En la forêt d’ennuyeuse tristesse, rédigé à la fin du Moyen-âge, au XVème siècle, lui est dédié. Ce poème est d’ailleurs l’une des œuvresles connues de Charles d’Orléans.
Ce poème est composé de trois huitains et d’un quintile de décasyllabes. Toutes les strophes sont ponctuées d’un refrain d’un