Marie de France – Lai del Chevrefoil

Assez me plest e bien le voil
Del lai qu’hum nume Chevrefoil
Que la verité vus en cunt,
Comment fu fet, de coi et dunt.

Li reis Mars esteit curucié
Vers Tristram sun nevuz irié:
De sa tere le cungëa
Pur la reïne qu'il ama.

En sa cuntree en est alez,
En Suhtwales u il fu nez,
Un an demurat tut entier,
Ne pot ariere reperier.

Tristram est dolent trespensis:
Pur ceo s’esmut de sun païs.
En Cornüaille vait tut dreit
La u la reïne maneit.

En la forest tut sul se mist:
Ne voleit pas qu’hum le veïst.
Od païsanz, od povre gent
Perneit la nuit herbergement.

Ceo li dïent qu'il unt oï
Que li barun erent bani;
A Tintagel deivent venir:
Li reis i veolt sa curt tenir.

Lo jur que li rei fu meüz,
Tristram en est al bois venuz.
Sur le chemin quë il saveit
Que la rute passer deveit,

Une codre trencha par mi:
Tute quarreie la fendi.
Quant il a paré le bastun,
De sun cutel escrit sun nun:

Se la reïne s'aparceit
Que mut grant gardë en perneit
De sun ami bien conustra
Le bastun, quant el le verra.

Ceo fu la summe de l'escrit
Qu'il li aveit mandé et dit :
Cume del chevrefoil esteit
Ki a la codre se perneit.

Quant il s'i est laciez e pris
E tut entur le fust s'est mis,
« Bele amie, si est de nus:
Ne vus sanz mei, ne mei sanz vus. »

La reïne vait chevauchant,
Ele esgardat tut un pendant,
Le bastun vit, bien l'aparceut,
Tutes les lettres i conut.

Del chemin un poi s'esluina,
Dedenz le bois celui trova
Que plus l’amot que rien vivant:
Entrë eus meinent joie grant.

Mes quant ceo vient al desevrer,
Adunc comencent a plurer.
Tristram a Wales s'en rala,
Tant que sis uncles le manda.

Pur la joie qu'il ot eüe
De s'amie qu'il ot veüe,
Tristram, ki bien saveit harper,
En aveit fait un nuvel lai.

« Gotelef » l'apelent Engleis
« Chevrefoil » le nument Franceis.
Dit vus en ai la verité
Del lai que j'ai ici cunté.

Cela me plaît et je veux bien
Vous