Le roman de pontieu
Et ainsi fina ceste seconde journee a l'onneur des deux chevaliers, dont le seigneur de Dommart, tant dez damez, damoisellez comme de tous aultrez, eust le souverain …afficher plus de contenu…
– Pluiseurs sommiers chargiés d'or, d'argent et de bonnez baguez dona ce conte de Pontieu a Thybauld, mari de sa fille. Ilz prindrent congié et, a brief parler, au jour qu'ilz avoient prins, se mirent a chemin. Si trespasserent tellement montaignez, champaignez, falloisez, chemins, sentez et sentiers qu'ilz vindrent a deux journees prés de Galice, et a ung soir se logerent sur ung hoste auquel il demanderent et enquirent du chemin qu'ilz trouveroient l'endemain. Lequel hoste leur respondy qu'ilz n'aroient de malvais chemin, si non seulement a passer une forest qui estoit assés prés d'illuecq. Oyans ce, ilz n'en parlerent plus, ains firent bonne chiere et dormirent assés