Baudelaire
Ode 1,9
Horace, Odes 1,9
Vides ut alta stet niue candidum Soracte, nec iam sustineant onus siluae laborantes, geluque flumina constiterint acuto. Dissolue frigus ligna super foco large reponens, atque benignius deprome quadrimum Sabina, o Thaliarche, merum diota. Permitte diuis cetera; qui simul strauere uentos aequore feruido deproeliantis, nec cupressi nec ueteres agitantur orni Quid sit futurum cras fuge quaerere, et quem fors dierum cumque dabit lucro adpone, nec dulcis amores sperne puer neque tu choreas, donec uirenti canities abest morosa. nunc et campus et areae lenesque sub noctem susurri composita repetantur hora; nunc et latentis proditor intimo gratus puellae risus ab angulo pignusque dereptum lacertis aut digito male pertinaci. Quintus Horatius Flaccus
Bibliographie
Biographie d'Horace : http://remacle.org/bloodwolf/auteurs/Horace.htm Biographie de Charles Baudelaire : http://www.etudes-litteraires.com/baudelaire.php Ode 1,9 : Cours de latin Traduction de l'Ode 1,9 : Cours de latin
Introduction
Charles Baudelaire et Horace l'épicurien