Ki koté é ki sòt gidonnaj andidan lanméri ?
Èspozé an nou ka pòté anlè on méri ochwa. Kifè nou chwazi méri an nou
Sé on ti komin ki ni oliwon kat mil trwasan zabitan.
Nou ké komansé pa di zòt ka ki on méri , on mè , konmen tan i ka gidoné komin-la, é ki mannèv i ka pòté.

1. Ka ki on méri ?
Adan chak komin nou ka touvé on méri. O méri sé on batiman ola nou ké touvé biro a mè-la , on pyès pou bokanté asi désizyon (bidjè, chwazi sé manm é rèprzantan-la …), on koté la moun ka mayé.
On méri oblijé asiré sèvis kontèl :
Sèvis piblik : (léta sivil, lékòl, spò, asosiyasyon, …)
Sévis tèknik : (laliwonnaj, batiman, lavwari, …)
Sèvis administratif : (finans, bokantaj, enfòwmatik, …)
Sévis sosyal : CCAS (Centre Communal d’Action Sociale), pou rédé moun an difikilté.

2. Ka ki on mè ?
Sé rèprésantan a léta adan on komin. Sé « Code général des collectivités territoriales »(CGCT) ki ka bay pouvwa, é sé misyon-la pou-y fè la. Kèlkanswa potalans a komin-la, tout mè ni mèm responsabilité-la. Lè i ni mayé i oblijé pòté kostim ofisyèl a-y avè échap twa koulè a-y.
3. Pou konbyen tan i ka gidonné komin-la
I la pou sis lanné. Limenm a-y pé lagé pòst a-y si i vlé. Sèlbiten, si bazil chayé-y, prèmyé adjwen-la pé pran plas a-y.
4. Ka i wòl a-y ?
On mè ni dé figi :
I ajan a léta. Sé anba jouk a préfè-la i ka fè diféran misyon administratif kontèl :
Pibliyé sé lwa-la é sé lalwa-la
Mèt an plas sé élèksyon-la
…
Mè la ni pou misyon véyé asi sékirité é lakontantman a pèp a-y.
I ofisyé a léta sivik, ki vlé di i ka mayé moun.
I la pou woumèt lòd, kèlkanswa ant moun oben lantoupriz.
Non sèlman ajan a léta i sé ajan a komin-la. Li èvè sé konséyé a-y yo ka paré bidjé a komin-la.
I an tèt a sé ajan a komin-la, é i ni pouvwa si sé diféran sèvis-la.